ПозитивнаПсихологија

Каков живот живеете ...

... одраз е на вашата интелигенција.

Има слобода - има живот.

Во спротивно, живтот е еден вид на ропство. А колку слобода е доволно? Онолку колку ви е потребно да живеете непречено и по сопствен избор. Ништо помалку!

Немате идеја? Отпуштете!

Кога го барате најдоброто решение и истото не успевате да го најдете во разумен период, тоа во психологијата се нарекува функционална фиксација (состојба на барање на ново решение на стар начин. Тогаш препораката е да се оддалечите од предметот на кој работите. Во периодот кога ќе се бавите со нешто кое го фокусира мисловниот процес на нешто друго, мозокот под површината на свесноста „работи на новото решение“, што во психологијата се нарекува инкубација.

Имате сили ...

Кога имате цел - имате и сили да ја постигнете. Притоа, патот може да биде полн со предизвици, но на крајот вие ќе бидете тие кои ќе уживаат во убавините на остварената цел. Не ги потценувајте своите капацитети: ако имате некаква цел. ако нешто сте наумиле, верувајте во себе, затоа што имате и повеќе сили отколку што може да ви се чини на почетокот од патот.

Самодоверба ...

Се гради од мали нозе и тоа преку односот кој детето го има со родителите. Ако родителот му верува на детето од мало, ако не се сомнева во него и не стравува за него, шансите таквото дете да има исока самодоверба како возрасен се големи.

Слушајте си го срцето.

Ова е научна препорака. Познато дека срцето е органот во човековото тело кој има најсилно електромагнетно поле. Како такво, тоа има сопствена „интуитивна интелигенција“, односно способност да комуницира со вибрациите и електромагнетните полиња на сѐ околу нас а особено со срцата на живите битија кои нѝ се во близина.Тоа точно „знае“ со кого можеме да се хармонизираме. Уште поважно, срцето има способност да нѐ синхронизира со други луѓе, така што група луѓе ја претвора во кохезивна целина.

Кој сака, тој може.

Понекогаш навистина може да изгледа смешно, но за оној кој сака да постигне нешто, пречки не постојат. Така се постигнува цел ...

Вие сте цветот.

Кога еднаш ќе ја доживеете својата сопствена вредност и ќе станете наполно свесни за својата единственост и убавина, ќе исчезне секоја потреба кому било да завидувате.

Направете добро дело.

Секој ден направете барем по едно добро дело. Добрите дела се позитивна навика а доживувањето откако ќе се сторат не може да се објасни со зборови, токму затоа што е толку возвишено и секое човечко битие може да го почувствува. Добрите дела не се акт со кој треба да поправиме, туку да направиме. Тие не се „проблем“ за со него да се справиме, туку решение за да го оствариме. Добрите дела не се тежина која мора да ја понесеме врз себе, туку шанса да го изградиме човечното во себе.

Споделете светлина.

Од ѕвездите сме создадени.

Во секој од нас има дел од ѕвездите. Вечер, подигнете ја главата кон небото и поздравете го. Од таму некаде сме создадени.

Менувајте се себе си.

Не постојат неизлечиви болести, постојат неизлечиви луѓе. Сите наши состојби („болести од кои си патиме“) се само „симптом“ на она кое самите сме си го направиле. Со ригидни обрасци на размислување и однесување, всушност активно ја „одржуваме сопствената болест“. Преку личната непроменливост ја креираме „болеста“ со која самите се мачиме. Доколку си посакувате „излекување“, менувајте се себе си - не „болеста“ (таа и онака не постои кај оние кои умеат со себе).

Бидете благи наместо строги.

Практикувајте ПОФАЛБА наместо укор, ЉУБОВ наместо закана, затоа што повеќе пчелки се фаќаат со мед отколку со оцет. Затоа, оние кои ги сакате и кои ви значат а кои живеејќи го својот живот сториле нешто за кое сметате дека нема да им биде многу корисно, ПОТСЕТЕТЕ ги на сите убави работи кои ги постигнале во животот. Потсетете ги на сите добрини кои ги направиле. Истото направете си го и себе си секогаш кога имате доживување дека нешто сте згрешиле. Бидете благи, не строги.

Имате развигор во градите.

Пуштете го топлото ветре надвор и ... Расцветајте сѐ околу себе.

Верувајте, чуда се случуваат.

Никој нема да може да го „пронајде“ и да го „види“ она кое не го бара, односно она за кое верува дека не постои. Верувањето прави да ги видиме работите, а не прави гледањето да поверуваме. Чуда постојат, но ќе ги видите само доколку верувате во нив. Чуда ќе ви „се случат“ само ако верувате дека се можни, дека (веќе) се тука. Човек може да го „види“ само она за кое верува дека постои.

Внесете свежина.

Секој ден е нов почеток. Шанса за нешто ново. Не дозволувајте новиот ден да ви биде преплавен со бајати содржини. Направете нешто различно од вчера - исполнете го денот со нешто ново и свежо.

Силни сте.

И во зима цветаат цвеќиња. И тоа оние најубавите. И најнежни, но супер моќни за да ја најават пролетта.

Не заборавајте - убави сте.

Само вие знаете колку сте всушност убави. Не заборавајте да си го споменувате ова често. Секој ден повторете си, затоа што е вистина.

Опуштете се.

Само кога сте во баланс со себе можете да живете среќно. Опуштете се и уживајте во балансот на своето битие.

Делувајте инспирирани.

Правете ги работите само ако сакате, не ако морате. Само љубовта креира убавина, среќа и исполнетост (притисокот ги урива).

Насмејте се.

Смејте се, затоа што можете. Смеењето е здраво.

Љубов и внимание.

Тоа што ќе го полеете со љубов, тоа ќе процвета.

Направете некого среќен.

Денеска развеселете некого. Подарете му го вистинскиот порарок. На пример, своето добро расположение и наклоност. Вие сте прекрасно друштво, дарувајте го најдоброто од себе си.

Седум чекори за среќа.

Прочитајте и практикувајте ги секојдевно седумте чекори за среќа.

Ставот е битен.

Имате круна на главата. Држете се достоинствено - од сите добри причини: од интегритет, доблести и префинетост.

Вие сте важни.

Старата максима, познатото „златно правило“ вели: „третирајте ги другите како што посакувате да бидете третирани“. Нашиот предлог е поинаков. Тој ве вклучува вас!

Вашето сонце треба да сјае.

Извадете го своето сонце надвор. Топлете со него и осветлувајте, каде и да сте, со кого и да сте. Околностите не се важни колку што сте важни вие и сонцето кое го носите.